Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Астравецкі раённы выканаўчы камітэт
Галоўная / Навіны / Навіны рэспублікі
23.06.2020

Міністэрства аховы здароўя дало рэкамендацыі па прафілактыцы інфекцый летам

Міністэрства аховы здароўя нагадала асноўныя правілы паводзін, якія даюць магчымасць папярэдзіць інфекцыйныя захворванні, у тым ліку COVID-19, паведамляе БЕЛТА са спасылкай на прэс-службу Міністэрства аховы здароўя. Па-ранейшаму важна выконваць гігіену рук (часцей іх мыць або выкарыстоўваць антысептыкі) і рэспіраторны этыкет, не дакранацца нямытымі рукамі да вачэй, носа, рота, захоўваць прынцып сацыяльнага дыстанцыравання (адлегласць 1-1,5 м). У месцах масавага знаходжання людзей (на прадпрыемствах гандлю, грамадскага харчавання, рынках, у транспарце і г.д.) трэба прымяняць маску, якую неабходна мяняць праз кожныя дзве гадзіны выкарыстання, а таксама пры яе намаканні (увільгатненні), нават калі прайшло менш за дзве гадзіны. Міністэрства рэкамендуе ўжываць дастатковую колькасць вадкасці, выключыўшы пры гэтым газіраваныя, энергетычныя і алкагольныя напіткі, вадкасці з павышанай колькасцю цукру. Агародніну і фрукты трэба старанна мыць. Купляць прадукты не трэба на стыхійных рынках, у месцах несанкцыянаванага гандлю. Рэкамендацыі Міністэрства аховы здароўя датычацца і адпачынку на прыродзе. Купацца можна толькі ў спецыяльна абсталяваных зонах рэкрэацыі (пляжах). Для захоўвання і пераносу скорапсавальных прадуктаў трэба выкарыстоўваць сумку-халадзільнік, абавязкова закрываць ежу ў кантэйнеры са шчыльнай накрыўкай (або загарнуць у харчовую плёнку) для аховы ад насякомых. Пры гатаванні шашлыкоў мяса трэба старанна прасмажваць. Не трэба браць з сабой малочныя прадукты, яйкі, кандытарскія вырабы з крэмам. Для піцця і прыгатавання ежы трэба выкарыстоўваць ваду гарантаванай якасці, не мыць агародніну, фрукты вадой з вадаёма. Акрамя таго, пажадана карыстацца рэпелентамі (сродкамі, якія адпуджваюць кляшчоў), насіць адзенне светлага колеру з манжэтамі, што дасць магчымасць папярэдзіць запаўзанне кляшчоў, праводзіць сама- і ўзаемаагляды кожныя дзве гадзіны. Навіны Беларусі (БЕЛТА)